سه شنبه, 11 آذر 1393 ساعت 10:20

ڕاگه یاندن ده رباره ی دیداری ڕابه ری حیزبی حیکمه تیست و ڕابه ری پارتی یه کیه تی دێمۆکراتیکPYD

 

ڕاگه‌یاندن ده‌رباره‌ی- دیداری ڕابه‌ری حیزبی حیکمه‌تیست و ڕابه‌ری پارتی یه‌کیه‌تی دێمۆکراتیک (PYD)

ڕۆژی هه‌ینی 28ی نۆفه‌مبه‌ری 2014 هه‌یئه‌تێک له ڕابه‌ری حیزبی حیکمه‌تیست له‌گه‌ڵ هه‌یئه‌تی ڕابه‌ری پارتی یه‌کیه‌تی دێمۆکراتیک (PYD) له شاری ستۆکهۆڵم دیداری کرد. له هه‌یئه‌تی پارتی یه‌کیه‌تی دێمۆکراتیکدا سالح موسلیم هاوسه‌رۆکی حیزب، شیار عه‌لی و یۆسف کۆبانی و له هه‌یئه‌تی حیزبی حیکمه‌تیستدا ڕه‌حمان حسێن زاده سه‌رۆکی ده‌فته‌ری سیاسی، مریه‌م ئه‌فراسیاب پور و فاتح شێخ ئاماده بوون.

له پێشدا هه‌یئه‌تی ڕابه‌ری حیزبی حیکمه‌تیست خۆشحاڵی خۆی له فرسه‌تی دیداره‌که ده‌ربڕی و له‌م موناسه‌به‌ته‌دا هاوخه‌می قووڵی خۆیشی به بۆنه‌ی گیانبه‌ختکردنی شه‌ڕفانانی به‌رخۆدانی جه‌ماوه‌ری قاره‌مانانه‌ی کۆبانی له دژی ته‌وه‌حوشی ئیسلامی داعش، به ژنان و پیاوانی ئازادیخواز و جه‌نگاوه‌ری ئه‌و به‌رخۆدانه پرشنگداره ڕاگه‌یاند. به تایبه‌تیش پڕبه‌دڵ سه‌ره‌خۆشی کرد له سالح موسلیم و عایشه ئه‌فه‌ندی هاوسه‌ری ئه‌و که دوو کوڕیان له به‌رخۆدانی پر له شانازی کۆبانی‌دا گیانیان به‌خت کردوه. هه‌یئه‌تی حیزبی حیکمه‌تیست هومێدی کرد که به‌رخۆدانی جه‌ماوه‌ری کۆبانی که به دلێری و گیانبازی ژنان و پیاوانی ئازادیخواز دوو مانگ و نیوه قایم ڕاوه‌ستاوه، به زوویی به سه‌رکه‌وتن بگات و په‌لاماری داروده‌سته‌ی جینایه‌تکاری داعش به ته‌واوی تێک بشکێنێ. هه‌یئه‌تی حیزبی حیکمه‌تیست ئاماژه‌ی به‌وه کرد که به‌رخۆدانی جه‌ماوه‌ری کۆبانی، به‌شداری چالاکانه‌ی ژنان له‌و به‌رخۆدانه‌ و له مه‌یدانه‌کانی دیکه‌ی ژیانی کۆمه‌ڵایه‌تی و سیاسی دا، په‌سه‌ند کردنی قانوونی مافی یه‌کسانی ژن و پیاو له کانتۆنی جزیره و شێوه‌ی خۆبه‌ڕێوه‌به‌ری له کانتۆنه‌کانی جزیره و کۆبانی و عه‌فرین ئه‌و فاکته‌رانه بوون که بوونه‌ته هۆی وه‌ها پشتیوانیه‌کی گه‌رم و به‌رین له لایه‌ن ئازادیخوازانی جیهانه‌وه و پشتیوانی حیزبی حیکمه‌تیست و ‌ڕێکخراو و هه‌ڵسووڕاوانی له ناوخۆی ئێران و له ده‌ره‌وه‌ی وڵات، چالاکی گاردی ئازادی وهه‌روها پشتیوانی‌ڕێکخراوی ئازادی ژن به‌شێک بووه له‌و پشتیوانیه شایانه جیهانیه. هه‌ر بۆیه‌شه ڕابه‌ری حیزبی حیکمه‌تیست خوازیاری دامه‌زرانی په‌یوه‌ندی چالاکانه و ڕاسته‌وخۆیه له‌گه‌ڵ به‌رخۆدانی جه‌ماوه‌ری کۆبانی و کانتۆنه‌کانی جزیره و کۆبانی و عه‌فرین و هه‌رواش له‌گه‌ڵ پارتی یه‌کیه‌تی دێمۆکراتیکه.

ساڵح موسلیم له وه‌ڵامدا وێڕای ده‌ربڕینی خۆشحاڵی له‌م دیداره و سپاس له هاوخه‌می، ئاماژه‌ی کرد به زه‌مینه سیاسی وکۆمه‌ڵایه‌تیه‌کانی به‌رخۆدانی کۆبانی له ئه‌زموونی ساڵانی پێشتر له مه‌یدانی دێمۆکراسی ڕاسته‌وخۆ و ڕادیکاڵ له به‌ڕێوه‌به‌ری کانتۆنه‌کاندا به به‌شداری چالاکانه‌ی هاووڵاتیانی ژن و پیاو وهه‌روه‌ها به‌رخۆدانی چه‌کدارانه دژ به په‌لاماری کۆنه‌‌په‌رستانه‌ی داعش و النصره له "سه‌ری کانی" و شوێنه‌کانی تر. ته‌ئکیدیشی کرد که: "بزووتنه‌وه‌ی به‌رخۆدانی جه‌ماوه‌ری ئێستا له کۆبانی له ڕاستیدا دیفاعی ڕاسته‌وخۆی هاووڵاتیانه له ژیانی خۆیان و له ده‌سکه‌وتی تێکۆشانی خۆیان له‌م ساڵانه دا و ئه‌مه‌ش هی گشت هێزه ڕادیکاڵ و کۆمۆنیست و سۆسیالیست و سێکولاره‌کانه و پێویستی به پشتیوانی ئه‌وانه". ساڵح موسلیم دواتر باسی له ئامانج و سیاسه‌ته‌کانی پارتی یه‌کیه‌تی دێمۆکراتیک کرد و وێڕای پێشوازی له په‌یوه‌ندیان له‌گه‌ڵ حیزبی حیکمه‌تیست ئاماده‌گی ڕابه‌ری پ ی د و نوێنه‌رایه‌تییانی له ئه‌وروپا له‌و زه‌مینه‌ دا ڕاگه‌یاند.

ئه‌م دیداره له‌گه‌ڵ ده‌ربڕینی هومێده‌واری دووباره‌ی هه‌یئه‌تی ڕابه‌ری دوو حیزب به سه‌رکه‌وتنی به‌رخۆدانی کۆبانی به سه‌ر کۆنه‌‌په‌رستی ئیسلامی داعشدا و دیاری کردنی کاناڵی هاوئاهه‌نگی بۆ درێژه پێدانی په‌یوه‌ندی نێوانیان کۆتایی پێهات.

حیزبی کۆمۆنیستی کارگه‌ری ئێران – حیکمه‌تیست

۲۹ نۆفه‌مبه‌ری۲۰۱۴

   http://www.hekmatist.org

***


 

خواندن 2819 دفعه آخرین ویرایش در یکشنبه, 23 آذر 1393 ساعت 20:23

با ما در تماس باشید

عضویت در خبرنامه سایت

گزارشات پربازدید