یکشنبه, 20 مرداد 1392 ساعت 12:02

ڕاگەیەندراوی حیزبی کومونیستی کرێکاری ئێران-حکمەتیست لە بابەت: "کونگرەی نەتەوەیی کور"

جنایت تروریستهای اسلامی در کردستان سوریه محکوم است

ڕاگەیەندراوی حیزبی کومونیستی کرێکاری ئێران-حکمەتیست لە بابەت: "کونگرەی نەتەوەیی کور"
ئامانجی سیاسی بورژوازی کورد کامانەن؟
جارێکی دیکە لە ئوردوی ناسیونالیسمی کورد دا لە ناوجەکە جموجوڵێکی نوێ وەڕی کەوتوە. بە هیوای ئەوەیکە پاش ساڵانێکی دورودریژ شەڕ و کێشمە کێشی ناوخۆیی و ئینشعابی زۆر، ناسیونالیستی کورد دەیهەوی یەک ئاسۆ و سیاسەتێکی هاوبەش بۆ بەشدار بون لە سیاسەتی ڕۆژەهەڵاتی ناوەڕاستدا بگرێتە پێش. "کونگرەی نەتەوەیی کورد" زەرفێکە بۆ کۆبونەوەی حیزبەکان و ڕەوتەکان و فیرقە جۆراوجۆرە ناسیونالیستی و قەومی و ئیسلامیەکان لە ناوچە کورد نشینەکانی وڵاتانی تورکیە، سوریە، عێراق و ئێران، لە سەر بنەمای قازانجی هاوبەشی بورژوازی کورد و پێک هێنانی چەترێکی سیاسی هاوبەش بو نیشاندانی خۆی وەک یەکێک لە یاریکەرانی ئوردوی کۆنەپەرەستی ناوچەکە و جیهان لە ڕۆژهەڵاتی ناوەڕاست. جیاواز لە بارودۆخی تایبەت و هەلومەرجی ناسیونالیسمی کورد لە هەر یەک لەم وڵاتانەدا، جیاواز لە پێشینەی چەندین ساڵەی "کونگرەی نەتەوەیی کورد" و ئەوەیکە هۆکارەکانی پێشنەکوتنی تا ئێستای کامەنەن، هەنگاوی ئێستای خاوەنان و ڕێکخەرانی ئەم پرۆژەێە لە دڵی بارودۆخی نوێ لە رۆژهەڵاتی ناوەڕاسدا بەڕیوە دەچێت. هەر بۆێە ئەمە پرۆژەێەکی نوێێە و ئامانجگەلێکی سیاسی و کۆنەپەرستانەی تایبەت ڕەچاو دەکا. پرۆژەیەکی دژی خەڵکی کە دەبێ لە لایان بزوتنەوەی سوسیالیستی چینی کەێکار لەم وڵاتانەدا لەقاو بدرێ و شکستی پێ بهێنرێت. ئەگەر لە ساڵانی ڕابوردودا بە هۆی دژایەتی دەوڵەتانی تورکیە و ئێران و عیراق و سوریەەوە ئەم کونفەرانسە سەری نەگرت، بە پێی بەرژەوەندی دەولەتی تورکیە و لە ئەساسدا بە مەبەستی ڕاکێشانی هەمو ناسیونالیسمی کورد بە دوای کالسکەی سیاسەتە دژی خەڵکیەکانی دەوڵەتی ئەردوغان و پشتگریی ئەردوغان لەم پرۆژەیە بە ڕێکەوتن لەگەڵ پکک لە کوردستانی تورکیەێە کە ئاوا کونگرەێەک جەوازی بەڕیوەچون وەر دەگرێ.
ڕونە کە هەوڵدان بۆ بەڕێوە چونی "کونگرەی نەتەوەیی کورد" جموجوڵی ناسیونالیسمی کوردە لە ناوچەکە و لە جەرگەی بارودۆخی قەیراناوی ڕۆژهەڵاتی ناوەراست بۆ بەدەست هێنانی جێ و شوێنی نوێ لە پرۆسەی سەر لە نوێ دابەش کردنەوە و گۆڕینی جوغرافیای سیاسی و ناوچەکە و لە دوبەرەکێی ململانێەکان و ناکۆکیەکانی ئێستای دەوڵەتەکان و ڕیز بەستنی نوێی کۆنەپەرەستانی ناوچەکەێە. ئەم هەوڵدانە دەرەکیە، بە ئامانجی دەرەکی و دیارە نەتیجە نێوخۆییەکان، و لە ئەساسدا بە مەبەستی دیاری کردنی جێ و شوێنی ناسیونالیستی کورد لە ئاڵۆگٶرە سیاسیەکانی ناوچەکە لە جوارچێوە و لە پاڵ کۆنەپەرەستانی ئەمپریالیستیی رۆژائاوا و بە شیوەی زەقتر لە بازنەی پرۆژە کۆنەپەرەستانەکانی دەوڵەتی تورکیە داێە. دیمەنێک کە ئەم ڕەوتانە و کونگرەکەێان نیشانی دەدات ئەوەێە کە: "کوردەکان لە ناوچەکە یەکیان گرتوە، پەێامی سوڵح و ئاشتی دەدەن و بەشیان دەوێ"! لە راستیدا پەیامی سەرکەیان بۆ هێزە ڕۆژاواییەکان و دەوڵەتانی ناوچەکەێە کە حیزبە ناسیونالیستە کوردەکان بە کارنامەێەکی ئاشکرای دژی خەڵکی، دژی کرێکاری و دژی ژن وەک پاڵپشتی ئاشکرای ئێستبدادی سیاسی و نەزمی سەرمایە بەڕەسمیەت بناسرێن، زیاتر بەکاریان بێنن، بەشیان لە دەسەڵاتی سیاسی و تاڵانکردنی سەروەتی کۆمەڵگادا زیاتر بکەن و ئەگینا ناوچەکە لەگەڵ چاوەڕوانیی توندبونەوەی شەڕی قەومیدا بەرەوڕو دەبێ. لە هەلومەرجێک دا کە ئاخێزە جەماوەری و شۆڕشگێڕانەکان سەرتاسەری ناوچەی ڕۆژهەڵاتی گرتوەتەوە، حیزبە ڕەنگاوڕەگەکانی ناسیونلایسمی کورد بە تەواوی لە پاڵ کۆنەپەرەست ترین لاێانی ئەم کێشمەکێشە دا وەستاوە. لە تورکیە چونەتە پاڵ حیزبە ئیسلامیەکەی ئەردوغان، لە ئێران بە ئومیدی سەرنجی ڕۆحانی تەسبێحی چاوەڕوانی هەڵدەسوڕێنن، لە گۆڕەپانی سەناریوی رەشی سوریەدا هاوکات لە هەوڵی سات و سەودا لەگەل دەوڵەتی تورکیە و پاراستنی هاوپەیمانی لەگەڵ بەشار ئەسەد دان و لە عێراق لەگەڵ مالکی خەریکی بەند و بەست و ئیمتیاز وەرگرتنن. لە ئاکامدا بورژوا ناسیونالیستی کورد بەم هەمو خزمەتە بە کۆنەپەرستانی ناوچەکە چاوەڕوانی بەشی زیاتر لە ڕیزبەندیی نوێی سیاسی ناچەکەێە. "کونگرەی نەتەوەیی کورد" لە هەمو بەشەکانی کوردستاندا قەرارە داوای ئەم بەش خوازیە ناوچەییەی بورژوا ناسیونالیسمی کورد بکات. "کوردەکان ئاشتیخوازن"، ناوی ڕەمزی "دیالۆگ" و سات و سەودای حیزبە ناسیونالیستە کوردەکان لەگەڵ کۆنەپەرەستانی ناوچەکە بە بێ گوێدان بە خەڵک و بە ناوی خەڵکی کورد زمانەوەێە. دروشمی "کونگرەی نەتەوەیی کورد" کە "کوردەکان ئاشتیخوازن"، ڕاگەێاندنی ئامادە بون بۆ مامەڵە و سات و سەودا لەگەڵ دەوڵەتانی کۆنەپەرەستی ناوچەکەێە.
بورژوازی کورد پێی وایە ئێستا کە لە عێراق دا زیاتر لە دو دەێەێە دەسەڵاتی لە دەست داێە، ئێستا کە لە سوریە بە بەرەکەتی شەڕی ناوخۆیی و ڕێکەوتن لەگەڵ بەشار ئەسەد ناوچە کورد نشینەکانی لە دەست داێە، لە هەل و مەرجێک دا کە لە تورکیە ڕێکەوتن و بەند و بەستی پکک و دەوڵەتی ئیسلامیی ئەردوغان لە ئارا داێە و لە ئێران مەلاێەکی "نەرمتر" لە سەر کورسیی سەرۆک کۆماری دانیشتوە، دەبێ هەڵ بقۆزرێتەوە و لە ئاستی ناوچەیی دا داوای بەشی زیاتر لە دەسەڵاتی حاکم و بەدەست هێنانی سامانی کۆمەڵگا بکات. بورژوازی کورد لە بەشی ئێستای خۆی ناڕازیە. ناسیونالیستی کورد لە دەوڵەتی تورکیە ڕازیە چونکە لە ناڕەزایەتیە سەد هەزار کەسیەکانی ئەم دواییانەی خەڵک لە دژی حکومەتی ئیسلامیی ئەردوغان لە پاڵ ئەردوغاندا وەستان و هێشتاش پاداشەکەێان وەر نەگرتوە. لە کوردستانی عێراق نارازیە چونکە بە فیشەک و سەرکوت و زەخت وڵامی ناڕەزایەتیە مافخوازی و ئازادیخوازیەکانی خەڵکی کرێکار و زەحمەتێكشیان داێەوە و بەڵام هێشتا لە پشتگریی ئەمریکا و رۆژاوا لە کێشەکانی لەگەڵ مالکی دا بەهرەمەند نیە. لە ناوچەی کورد زمانی سوریەدا لەگەڵ بەشار ئەسەد هاوپەیمانە، بەڵام هێشتا رەسمیەتی نیە و سەری بۆ ئەردوغان شۆڕ کردوە بەڵام هێشتا وەر نەگیراوە. ناڕازیە چونکە لە ئێران سەرەڕای خۆ شیرین کردنەکانی سەرانی حیزبە کوردیەکان بۆ خامنەیی و ئەم دواییانە بۆ ڕۆحانی و دەژایەتیان لەگەڵ کومونیسم و ئازادیخوازی لە کوردستان هێشتا بەکاریان ناهێنن. "کونگرەی نەتەوەیی کورد" لە ئەساسدا لە سەر تایبەتمەندی سیاسیی نوێی ناوچەکە و ڕوداوە سیاسیەکان لە وڵاتانی تورکیە و سوریە و عێراق و ئێران پێک هاتوە و زیاد کردنی بەشی ناوچەیی بزوتنەوەی ناسیونالیستیی کوردی لە بەرنامەی خۆیدا داناوە.

ڕێز بەستنی نوێی کۆنەپەرەستانی ناسیونالیستی لە دژی کومونیسم و ئازادیخوازی
"کونگرەی نەتەوەیی کورد' بە پێی ئامانجە سیاسی و چیناێەتیەکانی، بە پێی ناوەرۆک و کارنامەی بەشدار بوانی، بە پێی سیاسەتێکی هاوبەش کە لە پێشیان گرتوە، ڕێکخراوێکی دژی خەڵکی و دژی کرێکاریە. ئەمە ڕیزبەستن و خۆ ڕێکخستنی نوێی بورژوازی کوردە دژ بە کرێکاران و کۆمەڵانی خەڵکی بێبەش لە کوردستان و وڵاتانی ناوچەکەێە. ئەم ڕیز بەستنە کۆنەپەرەستانەێە بەرانبەر بە ڕیزی ئازادیخوازی قوت دەبێتەوە و هەر بەم عینوانەشەوە خۆی لە بارەگای دەوڵەتانی رۆژاوا و کۆنەپەرەستانی ناوچەکەدا جێ دەکاتەوە. ئەم ڕیز بەستنە ئامادەیی خۆی ڕادەگەیەنێت کە وەک پارێزەر و پاسەوانی سەرمایە لە بەرانبەر شۆڕشی کرێکاراندا لە پاڵ و لە سەنگەری بەشەکانی دیکەی بورژوازی ناوچەکەدا دەجەنگێت. ئەم ڕیز بەستنەی ناسیونالیستەکان یەک توسقاڵ چیە لە ملدان بە پێشکەوتنخوازی، مودیڕنیسم، ئازادیەکانی تاک و کۆمەڵایەتی و بەرابەری خوازی نوێنەرایەتی ناکا و لە دژی هەموی ئەمانەیە. ئەمە ریزێکە کە بە نۆبە هاوپەیمانی سەدام و کۆماری ئیسلامی و جاروبار لە پاڵ میتی تورکیە و ئەردوغان و بەشار ئەسەد دا بوە و هەێە.
حیزبی حكمەتیست ناوەرۆکی سیاسی و چینایەتی و ئامانجە کۆنەپەرەستانە و دژی کرێکاریەکانی ئەم ڕیزە دەناسێت و لێبڕاوانە لە دژی ڕادەوەستی. حیزبی حکمەتیست لە دژی ئە وەهم وگومانانەیکە ئەم ڕەوتە بەڵاوی دەکاتەوە و حەسابێک کە بۆ مەسەلەی کورد کردویەتیەوە، لێبڕاوانە ڕادەوەستێ و ناوەرۆکی سیاسی و جێگای ڕاستەقینە و کۆنەپەرەستانەی لە ڕیز بەستنەکانی ڕۆژەهەڵاتی ناوەڕاست و هەر وڵاتێکی دیکدا بە کرێکاران و خەڵک نیشان دەدات. حیزبی حکمەتیست هەر جۆرە سازان لەگەڵ سیاسەت و کردەوەکانی ناسیونالیستی کورد و قەبوڵ کردنی ڕواڵەتی مەسەلەکان لە لاێان ئەم هێزانەوە لێبڕاوانە رەفز دەکا و ئامانجی راستەقینە و زەوینی و سیاسیی ئەم حیزبانە لە چوارچیوەی گۆڕانکاریەکانی ئێستای رۆژهەڵاتی ناوەڕاستدا لەقاو دەدا.
بورژوازی کورد لە ئاراستەی بەرژەوەندی چیناێەتی خۆێدا هەنگاوی بەرزی بۆ پتەو کردنەوەی دەسەڵاتی ناوچەیی خۆی هەڵ گرتوە و کرێکار و کومونیستیش دەبی هەنگاوی بەرزتر بۆ بەدەست هێنانی ئامادەیی و پێداویستیەکان و توانایی زیاتر لە پێناو پتەو کردنەوەی ڕیزی شۆڕشگێڕانە و کومونیستی خۆیدا لە دژی رێز بەستنەکانی ریزی دژی کرێکاری و دژی ئازادئخوازی بورژوازی کورد هەڵگرێت. ڕیز بەستنی خەباتی سیاسی و چیناێەتی تا دێت شەفاتر دەبێت، پەردەکانی گومان رۆژ لە دوای رۆژ زیاتر لا دەدرێت، هەڵبژاردنە سیاسیەکان ڕوشنتر دەبنەوە و بەرەی کۆنەپەرستی و ئازادی زیاتر لە پێشو ڕوبەڕوی یەکتر دەبنەوە.
حیزبی کومونیستی کرێکاری-حکمەتیست سەرنجی کومونیستەکان و شۆڕشگێڕان لە ناوچەکە و ئێران و کوردستان بۆ ناسینی ناوەرۆکی کۆنەپەرەستانە و دژی کرێكاری پرەۆژەی "کونگرەی نەتەوەیی کورد" ڕادەکێشێت. حیزبی حكمەتیست تێدەکۆشێت کە ڕیزی کرێکار و کومونیسم بۆ بەرەنگار بونەوەی پارێزەرانی ناسیونالیستی سەرماێەداری و کۆیلەتی کرێگرتە لەم ململانێەدا هوشیارتر، ڕێکخراوتر و یەکگرتوتر بێتە مەیدان.
حیزبی کومونیستی کرێکاری ئێران-حکمەتیست
١٢ی خەرمانانی ١٣٩٢ی هەتاوی، ٣ی ئاوگوستی ٢٠١٣ی زاینی

خواندن 1620 دفعه

با ما در تماس باشید

عضویت در خبرنامه سایت

گزارشات پربازدید